今個4月，我哋請嚟非常重視大自然、家庭同愛嘅森林家族，佢哋已經登陸咗我哋旗下嘅商場，包括馬鞍山廣場、置富都會及+WOO嘉湖，一齊同大家分享森林家族嘅故事，令大家怦然「森」動之餘，仲好療癒添。大家一齊去咁多個商場睇下啦！ +WOO嘉湖森林家族春日自駕遊 大自然奇妙之旅 花開啦，最適合一家大細周末到空氣清新嘅郊外遊玩，親親大自然。森林家族成員已經準備就緒，喺+WOO嘉湖嘅樹屋上迎接各位嚟玩捉迷藏同木頭滑梯。朱古力兔姐姐期待與你坐上特別版粉紅車暢遊郊外，欣賞森林美景；你亦可相約松鼠姐姐喺河邊划艇?，尋找森林獨有嘅小魚；回到岸邊後，仲可以到蘋果樹下同牛奶兔BB盪鞦韆，飛高遠眺候鳥遷徙。海陸空旅程必定令你樂而忘返，感受大自然嘅奧妙！ ​