早前由Lady Gaga牽頭嘅"One World: Together At Home" 全球匯演直播完滿結束，都籌咗好多億蚊，好似係畀世衛，除非唔係，係就可以頂一頂侵侵走咗嗰條數～ 咁偉大嘅事情，又點可以冇中國特色嘅抄貓貓呢！傳聞「經中國政府批准依法註冊登記」嘅公益社會團體之一，中華慈善總會都會搞返場，仲要係5G直播，等你哋啲西方國家一個二個話杯葛我國嘅5G技術吖嗱～而呢個騷嘅善款係會捐畀世衛嘅，Um...佢哋真係好friend吖～ 表演嘉賓方面，消息話已向亞洲「最具國際影響力嘅若干藝人」發出邀請，有傳張學友、周杰倫同G-Dragon都有份兒被邀請呀，接唔接受就未知嘅～ 如果成事，你又會唔會睇呢？你又想邊個歌手on the list呢？ 真係好期待呀！