「綠在香港」網上之旅 由香港貿發局及法蘭克褔展覽(香港)有限公司合辦嘅「國際環保博覽」移師咗去網上，同其他展覽合併成為香港貿發局「秋季採購匯丨網上展」。 香港特區政府環境局就透過大會新增3D虛擬展覽攤位，帶大家開展一段「綠在香港」網上之旅。旅程分成三部分，分別展示香港嘅「新社區回收網絡」、「回收設施」同埋「綠色高科技」嘅應用，俾市民居家抗疫之餘亦可以體驗香港最新嘅環保減廢設施及科技應用。 「新社區回收網絡」介紹新設立嘅回收網絡，市民可以透過視頻同投影片，了解九個回收環保站、二十二個全新回收便利點，同埋超過一百個回收流動點嘅資訊，仲有社區智能回收車同回收飲品膠樽嘅入樽機，幫大家實踐綠色生活。 「回收設施」展區主力介紹環保署四個回收設施，包括有機資源回收中心O·PARK1 、污泥處理廠 T·PARK [源·區] 、廢電器電子產品處理及回收設施WEEE·PARK，同埋綜合廢物管理設施第一期 IWMF 1。四個設施各有特色，有部分仲可以俾市民預約參觀架! 「綠色高科技」展區用好玩有趣嘅方法帶領參觀人士探索應用於環保範疇嘅不同技術，包括以360度虛擬實境應用程式，令大家了解有關環境影響評估研究嘅環境成效；公眾仲可以透過4D VR四維虛擬實境示範，親身體驗減音窗點樣緩解交通噪音，但又同時可以保持自然通風，有如置身現場！展區仲會介紹鄉郊保育辦公室、低碳綠色科研基金、「採電學社」同埋浮動太陽能發電系統等等嘅資訊! 即刻展開「綠在香港」網上之旅：https://bit.ly/3nhRgEj　 「國際環保博覽」 「國際環保博覽 2020」合共吸引來自6個國家及地區超過100個參展商參展。環保展品分為5大類別，30%屬於環保產品，其餘70%為環保科技或專業服務類別。部份特色環保產品包括韓國純素皮革產品、EVA抗菌冰箱墊及環保餐具等，買家同時亦可接觸環保科技方案展商，例如流動智能鋰電能源儲存貨櫃、瑞典地下空氣傳播廢物運輸及管理系統、以及電動車充電系統設計及項目顧問等。 網上展除左展覽部分，仲會有線上研討會。當中嘅「亞洲環保會議」，將於11月19日、20日同23日喺網上舉行。會議涵蓋嘅議題包括綠色大灣區嘅深化合作及當中嘅機遇與挑戰、政府環保項目嘅最新發展、邁向凈零碳排放、實踐循環經濟同可持續發展目標等，講者來自世界各地，包括中國內地、香港、澳門、瑞士、英國嘅專家。 國際環保博覽@秋季採購匯丨網上展 日期：11月16-27日 網上登記：https://bit.ly/34KAVRg 環保科技：https://asw.hktdc.com/tc/fairs/eco-tech