揭頁日曆好old school？呢一本包你話無馬虎！奔墟聯同本地文創品牌「香港人日曆」，為大家帶嚟耳目一新嘅主題市集！ 以「撕不走的生活文宣」為理念，一直堅持主打本地自家設計嘅「香港人日曆」一直都深受大眾歡迎，並推出過多款暢銷產品，包括去年大賣逾4,000本嘅 #香港人日曆2020以及馳名中外嘅 #台灣製Be Water遮等。今次佢哋一連三日會帶埋#香港人日曆2021同一系列新品進駐奔墟週末市集，場內更隨處可見#香港人日曆2021最經典啜核嘅搞笑金句節錄，仲特設咗多個巨型「日曆」，大家快啲叫埋屋企人朋友嚟影相打卡啦！