埋嚟睇! 埋嚟揀喇喂! 由即日至4月11日，奧海城2期中庭有復活節精品市集嘉年華 匯集多個人氣卡通，包括: Sanrio、蠟筆小新、角落小夥伴同Snoopy! 每一個卡通人物都有自己專屬區域，去到唔單止可以瘋狂購物，仲可以打卡影相! 一於睇埋小編嘅極力推介，就出發嚟奧海城啦! Sanrio 唔知有冇HANGYODON-水怪同XO粉絲呢? 呢度有唔少水怪嘅精品出售，每一次補完貨都火速清空! 所以要買就要快手喇! 而為慶祝XO 4月1號生日，全新「太空主題」生日系列都有得賣，粉絲們仲等咩呀?! 角落小夥伴 一嚟到最吸睛嘅一定係1米高白熊毛公仔呀! 大家都爭住同佢影相，如果帶佢返屋企慢慢影，咁就要留意喇! S⁺ REWARDS同Olympian Kids會員可以獨家優惠價HK$2,299訂購! 真心正呀~ 蠟筆小新 小白、小白，全部都係小白? 唔好以為係錯覺呀! 真係有好多小白公仔，仲有小新同成班朋友仔，好似妮妮、正男、阿呆同風間 ，買哂返去咪就可以成立自己嘅春日部防衛隊囉! Snoopy 買Snoopy各樣精品、文具係重要，但嚟到Snoopy呢個區，最重要係影相! 因為展場內展出多隻唔同顏色嘅Snoopy公仔，唔好話粉絲睇到會心心眼，就連其他人都爭住拎嚟影相呀!