格子生活市集又嚟啦！ 今次我哋繼續邀請我哋喜愛嘅品牌參加市集（我哋係絕對唔會承認係因為我哋自己想買嘢）而上次Jack Lee展覽大受好評嘅醉檸茶會再度上架，想一試呢款香港製造檸茶口味Cocktail嘅朋友要留意了！ 重要：根據香港法律，不得在業務過程中，向未成年人售賣或供應令人醺醉的酒類。 參與單位 大鵰文化 BigDealCulture 香港獨立網上書店，提供文史哲學、生活休閒書籍，有好多連鎖書店無入嘅有趣書籍，另外亦有訂書服務，為愛書嘅朋友提供多一個選擇（佢地都好用心推我哋嘅書） 漫讀 曾推出《韓國山寨漫畫讀本》及《韓國動畫大全》，佢地更取得集英社授權，即將出版中田春彌《Levius》上下卷中文版，有興趣嘅朋友唔好錯過～ 埔Journ｜大埔人的地方誌 由前記者自資出版嘅《埔Journ》，係一本有關大埔嘅雙月刊雜誌，小編第一次拎上手時充滿驚喜，製作認真同有質感，內容亦都豐富同用心編排，就算唔係住大埔都會睇得津津有味～ Browny Cafe 我哋好喜歡嘅一間Café，今次佢地會為大家帶嚟招牌咖啡包及麵包，飲完咖啡大家好努力工作啦 XD Gisela Cheung, Wool & Fibre Artist 2019香港十大匠人銅獎，上次好多朋友都話時間夾唔到參加workshop，今次有兩日可以俾大家揀手工精巧嘅羊毛氈手作，無論你係有興趣自己親手做定係希望買完成品，都歡迎嚟同店主Gisela傾計交流吓心得～ Is handmade 依照日本傳統全手工技術，製成既適合平日簡單穿著、又保留日本傳統華麗風格嘅羽織外套，全部都好靚令人選擇困難呢～ Costa Wine 熟悉我哋嘅朋友都知道，我哋酒精飲品嘅消耗速度奇快 XD 全靠佢哋介紹CP值高價錢相宜嘅酒～好飲嘅酒唔一定貴，歡迎好杯中物嘅朋友嚟選購～ 重要：根據香港法律，不得在業務過程中，向未成年人售賣或供應令人醺醉的酒類。 查詢及市集最新消息： 格子 FB/IG @quireonline