「浩浩蕩蕩迎來另一新世紀」，走入5G世界，生活智慧Level UP！！想知5G科技會為世界帶嚟咩改變？一齊嚟位於天際100，佔地約5000平方呎嘅SmarTone 5G LAB 率先體驗吓啦！由智慧家居、人工智能 (AI) 識別技術、工業安全裝置，到超流暢網課等5G應用應有盡有。一張門票就玩齊場內多項體驗，仲可以欣賞埋全港獨有嘅360度無阻擋美景，絕對抵玩呀！(靜靜雞話你知，下午時間去玩，玩完等睇日落就最完美啦～) 立即購票: http://bit.ly/timable5glab 必玩5G科技應用： 5G VR單車賽 呢兩年冇得去旅行，台灣單車環島之旅一再押後，想去荷蘭單車大國玩就更加遙遙無期。5G LAB統統幫你實現，帶上VR眼鏡利用Google實境立即衝出香港，展開單車之旅！GoGoGo！仲可以夾埋朋友一齊玩，大家「鍊返轉」一分高下！ 5G智慧醫療 5G科技除咗可以應用喺娛樂體驗上，仲可以救人？立即披上醫生袍，模擬喺醫院入面遙距指導救護車上嘅救護員，利用5G即時為傷者檢查！地域距離統統都唔再係問題。 1 Click 瞬移未來 未來世界會變成點樣？摩天大廈會有幾宏偉？工程師唔洗再隔住圖則同電腦，唔洗再得個「諗」字，利用5G科技將未來「瞬間轉移」到現場，走入未來建築規劃。 全身投入「棚架freefall」 好玩刺激推介！戴起VR眼鏡即時進入立體空間，模擬企喺建築棚架上，360⁰俯瞰城市面貌，有大地在我腳下嘅感覺之餘，仲有搖搖欲墜嘅感覺。即使安全企喺平地，都感受到震撼離心力，相當緊張刺激！ 史上最安全嘅「打卡位」 嚟得5G Lab咁潮，當然要打卡啦！呢度有史上最安全嘅「打卡位」，戴上最強嘅智能頭盔，當中配備5G IoT感應器，地盤管理團隊即時了解工人狀況，即時察覺危機。喺地盤工作就更安全，更放心。 5G Robot智能機械人 肥嘟嘟嘅得意5G Robot好忙咁走嚟走去，都係為咗提供一個乾淨無菌嘅空間俾大家，保障顧客嘅安全健康。佢仲好醒目，識得實時偵測商場地上嘅障礙物，並作出即時報告，有助提升商場保安效率。5G Lab地方咁大，唔識路問佢都得㗎！佢會為顧客指路到特定商戶及設施，有咗佢就放心哂！ 5G 實時遙距駕駛對決體驗 賽車打機就玩得多，但5G 實時遙距駕駛對決體驗就未試過啦～利用 5G 網絡低時延嘅特性，於駕駛座即時遙控 5G 模型車準確速地穿過唔同彎道同避開障礙物，體驗特別之餘仲刺激感十足。快啲嚟一齊做5G Lab車手！ 無論係大人定小朋友，喺「5G LAB」可以盡情享受5G帶俾你嘅樂趣。未諗到週末去邊玩，就要約埋朋友一齊體驗，一同創造美好回憶。

---

門票詳情： SmarTone客戶更獲贈2張免費門票*，同行親友更享$40優惠票價 (最多3張)！非客戶二人同行門票只須$100 (原價$396)，一人門票由$198減至$60。星期一至四 (公眾假期除外) 嚟更額外享85折Café 100單點美食！更多詳情: http://bit.ly/timable5glab