無睇錯，事隔年半，香港人嘅工展會終於回歸啦！ 今個暑假首次移師室內舉辦「2021 工展會購物節」，8 月 6 至 8 日喺亞洲國際博覽館舉行，超過 250 個攤位，無論食品飲料、蔘茸海味、糧油麵食、廚具家品、美容保健食品、電子產品、服飾精品及寵物保健品一應俱全，俾您一次過掃盡所有筍貨！ 今次活動精彩不斷，包括工展抗疫開心購活動，現場大量低至 1 折同精選優惠福袋，仲有多重抽獎、精彩節目同攤位遊戲，保證大家同行維園工展會一樣，買得開心，玩得盡興！ 接種咗疫苗嘅市民仲享免費入場同禮品 (送完即止)。