我哋小伙子第三個年度舞台劇 (2020年大家知咩事) ，以網上人氣作家藍橘子作品《與女鬼的同居日常》為藍本，創作成我哋首個小說改編劇《HElllO》！ 今次我哋有《調教你男友》嘅Ronald以及《全民造星III》嘅Buber擔當男女主角，仲有喺2019年出演過我哋舞台劇《共享人生》嘅一對難兄難弟世祈同Ben哥、綽號鈴木一五郎嘅Suzuki同埋可人兒Pinky 一同參與演出 ~ 想知道《與女鬼的同居日常》點樣由三分鐘網上微小說，變成舞台劇《HElllO》？無啦啦一個HEllO又點解多咗個l？小說入面嘅一對主角小善同阿杜又會有咩發展？就記得買飛入場收睇2021年10月22號至24號，喺沙田大會堂文娛廳，共演五場嘅年度舞台劇企劃《HElllO》啦！！！

---

#實驗故事03 《HElllO》 藍橘子三分鐘微小說《與女鬼的同居日常》改編 #麥詠楠 X #林子傑 X #世祈 X #劉偉彬 X #陳盈加 X #李建邦 市井打工仔阿杜死慳爛慳終於喺30歲前上到車，點知個單位除咗住佢之外，仲嚟咗隻自來女鬼小善！為咗唔俾隻女鬼影響到自己棟物業嘅市值，阿杜駛盡渾身解數去驅鬼……都係徒勞無功，女鬼仲越嚟越放肆喺度執屋！？ 阿杜趕唔走隻女鬼，唯有同佢約法三章，展開不可思議嘅同居生活。直至發現…女鬼小善係自己嘅…… 原作：藍橘子 編劇：肥利 導演：唐浩翔 王柏霖 《HElllO》基本套裝 HKD320 a.《HElllO》門票乙張 b. *藍橘子《HElllO》小說 一本 《HElllO》特別套裝 HKD450 a. 《HElllO》門票乙張 b. *藍橘子《HElllO》小說 (簽名版) 一本 c. *限定紀念品 (非賣品) 演出場次：共五場 演出地點：沙田大會堂文娛廳 演出時間： 22-24/10 8:00PM 23-24/10 3:00PM *設演後座談會 *小說及紀念品於演出當天在場地領取，建議自備購物袋 *門票不設獨立發售