【屯門好去處】 星期日唔知去邊度好？想去特色地方打卡、又想消費吓滿足購物慾、仲想可以行市集玩下遊戲？一於喺9月19日 (星期日) 嚟屯門黃金海岸商場參加「站在．屯門」秋日市集！市集會喺早上11點開始，攤位包括文創手作、街頭表演、工作坊，同埋介紹 #屯門南延綫 項目嘅展覽及小遊戲，完成遊戲仲會獲得限定小禮物，快啲約埋朋友嚟玩啦！