連日嚟小編收到好多好多私訊問 10 月 31 號有咩玩，哈！究竟我地點樣將成個户外嘉年華搬入九展？我要隆重宣布啦... 活動將在不同位置同時進行 6 樓粉紅舞台：除咗有免費演唱會，仲有一眾 GayOL youtuber 以及友好網紅表演同玩遊戲 《SHOCKING PINK 萬聖節黃昏音樂會》詳情：https://timable.com/event/2071541 6 樓粉紅手作坊：友好組織同大家見面，仲唔少得粉紅手作攤位 粉紅論壇：我地邀請咗唔同嘉賓分享有關 LGBTIQA+ 嘅講座，仲有提升精神健康既活動添！ 今年論盡粉紅分為兩個環節「性小眾的精神健康」同埋「男神同你傾 BL」 各界學者、靚仔professor、臨床心理學家、知名催眠治療師、BL 劇演員等等等等，將會同大家傾吓計，仲有舒壓活動俾大家體驗添！ 由於座位有限，各位要預先報名先確保到能參與㗎，留意住我哋動態公布嘅詳情同報名方法啦！ (所有活動只會以廣東話進行，敬請留意) 地面大堂：除咗 Talent stage 有得睇 buskers 表演，仲有一眾支持 LGBTIQA+ 嘅企業市集俾大家去行下！ 愛多元，愛多點！愛在九展 Halloween！