唔經唔覺「已讀不回 Book Channel」已經陪咗大家兩年！節目嚟到尾聲，一個咁俾心機推廣文學嘅 channel 好需要大家嘅 feedback，一於嚟個圍爐圍插吹水大會啦～唔捨得就圍爐，唔抵得就圍插！ 活動陣容冇得輸，邀請咗三位曾經參與節目嘅主持：眼鏡反光到望穿前世靈魂嘅四哥（好青年荼毒室）、美麗動人黃嘉瀛、嬌豔欲滴鄧小樺，加埋惡口毒舌影評人紅眼，勞苦功高嘅影片導演葉文希，同大家現場回顧點評，一邊收集大家嘅意見，一邊揭露不為人知嘅幕後花絮，相信必定火花四濺！ 活動名額有限，需預先登記入場，先報先得。 ＊由於疫情反覆，請各位參加者協助遵照防疫安排，敬請留意： - 所有於會場人士必須佩戴口罩 - 入場前需量度體溫，體溫過高將不得進入會場 - 入場前必須使用設於入口處的酒精搓手液消毒雙手 - 場內不得飲食 - 謝絕佩戴隔離電子手環人士進場