鑑於 618 上海街呢個商場保留歷史建築嘅風貌，我哋將會配合場地嘅特色舉行一個充滿香港傳統新年特色嘅年宵市集 包括會有霓虹燈、港式花牌、傳統獅頭等等嘅佈置 同埋會有即場寫揮春等等嘅應節活動 務求令場地充滿傳統風貌同新年氣氛 另外，今次呢個市集我哋會同「關愛同行會」呢個慈善機構合作，到時佢哋亦會參加我哋個市集，安排社會弱勢社群去參與市集擺賣，去鼓勵同協助佢哋融入社會 我哋亦會略盡綿力，捐出市集收益嘅 5% 比「關愛同行會」去支持佢哋