每年農曆新年，都係親朋戚友聚埋一齊嘅時候。 拜年見到面嘅時候，姨媽姑姐實問你：「拍拖未呀？」，「結婚未呀？」，「上車未呀？」，「加人工未呀？」 真係尷尬到爆！如果你真係做到就最好啦，都恭喜你可以理直氣壯答翻佢哋：「搞掂曬啦！」 如果你係老尷嘅一份子，【港嘜市集】係到教你同佢哋講：「講乜呀！我話港嘜呀！一陣一齊去港嘜市集行下啦！」 【港嘜市集】就係一個可以化解「老尷」嘅地方，因為呢到只會充滿笑聲同歡樂。唔會再有所謂嘅問候，而係聽到：「哇，好靚喎！」，「哇，咁多野行嘅！」，「呢個擺係屋企幾好喎！」 我哋將佈置 3 米闊嘅「大型 IG 打卡位」，配合農曆新年主題，大家除左可以喺市集行街買嘢，仲可以影好多靚靚男神女神相添！