【膳心貫全城 食德好 50 個回收點 連結全城膳心 區區共享新年】 農曆新年是全年一個非常重要節日，藉互相送禮，表達祝福。 今年，大家都被疫情打亂陣腳，本身每年恆常的新春拜訪行程不停變動，遊走於約與唔約之間，禮盒買與唔買之間。買咗最後送唔出，又或者收咗好多、唔啱食、食唔晒…放到過期又送俾垃圾筒。 呢個問題，食德好已經諗定解決方案。今年，有幸得到多個屋苑商場支持，全港設立了 50 個賀年禮盒及食物公眾回收點！！由年初七開始到三月，方便大家捐贈，回收後送到基層手中，轉廢為愛 。 當然，食德好一直鼓勵市民大眾，減廢要先從源頭入手。按量而買，清楚表達收禮意願先係上上之策。回收只係最後一步 。 食德好建議大家，可以係 2 月 7 日 (年初七) 至 3 月 31 日前將禮盒交到以下公眾回收點進行捐贈。一齊轉廢為愛，打造無剩食社會！ 由於疫情嚴峻，請各位有心人留意以下呼籲 - 減少社交活動和保持社交距離 - 捐贈食物前清潔或消毒雙手 - 絕不接受破損或已開封的食物