「今晚想食咩嘢餸？」「想食雞翼、番薯同雪糕！」 有冇諗過日常對話都可以係歌詞？ 「冬懂凍棟篤，公貢谷共局」聽落有咩分別呢？平時我哋高低音分明嘅廣東話，夾埋音樂嚟講故仔，就係非物質文化遺產嘅「南音」？小樂樂喺做功課嘅時候，發現南音呢種生動嘅聲音同獨特嘅溫度，原來一代傳一代噉收埋喺自己同媽咪、公公嘅日常生活之中！ 粵劇名伶阮兆輝首次登上兒童劇場！加埋伍卓賢融會古今中西樂曲嘅音樂、新世代填詞人陳耀森嘅貼地歌詞，現場仲有唔受傳統演奏模式局限嘅結他、胡琴同古箏伴奏，一齊孖住最鍾意為小朋友講故仔嘅雪姐姐，敲住擊木，齊齊唱唱噏噏講故仔，投入《樂樂公公唱唱貢》呢個前所未有嘅南音故事旅程！ - 部分觀眾或需席地而坐，請穿輕便衣服 - 粵語演出 - 最適合 4 歲或以上觀眾 - 7 月 17 日下午 4:30 場次設演後藝人談 * 除獲豁免人士外，所有人士必須使用「安心出行」流動應用程式掃描場所二維碼，才獲准進入場館；所有獲豁免人士必須填寫表格登記其姓名、身份證明文件首四位數字或字母、聯絡電話及到訪日期和時間，並須於登記時按場地職員要求展示相關身份證明文件，以作核實，場地職員亦會致電核實聯絡電話 * 在「疫苗通行證」的實施下，除獲豁免的情況外，12歲以上人士必須出示電子或紙本的疫苗接種紀錄或豁免證明書，方可進入場地。相關的新冠疫苗接種要求，詳情請瀏覽政府「2019 冠狀病毒病專題網站」 （獲豁免人士包括：12歲以下和65歲或以上的人士、使用「安心出行」有困難的殘疾人士及因應實際情況獲豁免的個別人士）

---

有關南音 南音是種以粵語結合旋律和節奏的說唱。自清末至六〇年代，香港與廣州處處耳聞由視障人士所唱的「地水南音」，這曾是連電台也會每日播放的流行音樂呀！

---

玩玩唱唱南音親子工作坊｜7 月 16 日｜8pm｜葵青劇院黑盒劇場 小朋友票價 $100*｜家長票價 $150# 購票：https://ticket.urbtix.hk/internet/zh_TW/eventDetail/43471 傳統說唱藝術「南音」，其實未必係又慢又慘，可以係好 chill 咁講你同我嘅故事！專業導師引導大小朋友邊玩邊學南音特點，親子一唱一和咁發揮創意填寫自家歌詞，編撰專屬你哋屋企嘅說唱唱段，一齊唱唱噏噏講故仔！ - 請穿輕便衣服 - 最適合 5 歲或以上及其家長 - 名額：10 個家庭 (由一位家長或成人陪同一位小朋友參加) - 粵語講解 * 全日制學生、六十歲或以上高齡人士、殘疾人士及看護人，以及綜合社會保障援助受惠人士適用 # 票價只適用於親子工作坊

---

藝術總監及演員：阮兆輝 導演及演員：曾慕雪 作曲：伍卓賢 填詞：陳耀森