每年嘅 6 月 14 日都係世界捐血者日 World Blood Donor Day 一如以往，整個 6 月都係感謝、嘉許捐血者嘅月份。 設立世界捐血者日其中一個重要目的，就係強調自願無償捐血者對醫療系統嘅付出同貢獻。適逢捐血服務喺香港展開 70 周年，中心想藉住世界捐血者日呢個時機，衷心感謝各位捐血者。 今年嘅世界捐血者日主題係「團結」！ 中心破天荒嘗試聯同韓國、新加玻以及泰國嘅紅十字會捐血組織合作，推出咗共同設計嘅紀念品。 大家雖然未去到旅行，未有機會參觀其他國家嘅捐血站，都可以拎住佢哋吉祥物嘅 Memo 紙磚當係「眼睛去咗旅行」啦～大家快啲嚟捐血啦 * 凡於世界捐血者日（2022 年 6 月 14 日）成功捐血，捐血者可以獲贈「Memo 紙磚」一個，數量有限、送完即止。 資料及照片來源：Blood for Life 熱血使命 (HK Red Cross BTS 香港紅十字會輸血服務中心) Facebook