上Viagogo交易平台 (非官方) 購票 https://bit.ly/3eoJF8j (買家需自行承受風險) KAHO 洪嘉豪迎來人生第一個個人演唱會 ，一開就係兩場！每場更是七千位！等同開了兩場紅館三面台，兼且內部認購一早爆滿！認真叻仔！ 早前 KAHO 為演唱會影海報，海報構思都與《The Cycle Of….KAHO》 有關，非常特別把 The Cycle Of 春夏秋冬置於身上，七彩繽紛服裝，開心靚仔之餘，臉上又有一滴銀色淚，原來全是他演藝路上一路走來的縮影。 KAHO 表示，《The Cycle Of….KAHO》，包含了他的演藝生涯歷程，也包含了整個人生:「好多嘢都係由一個循環組成，人生、愛情，我新歌《還原淚》都係講緊一個循環。今次想成個主題都圍繞開心歡樂，所以你見我身上都係七彩繽紛。但又有春夏秋冬循環縮影。」 第一次開個唱，問到 KAHO 知不知道其實自己等同開緊兩場紅館咁多人？KAHO 聽到驚訝問，「咦⋯⋯係喎⋯⋯真係唔敢相信㗎！第一次聽到腳都震。(內部認購已經爆曬啦喎！仲震？ ) 吓？爆咗？我都係依家先知！慘啦咁就，我仲有好多兄弟、朋友、屋企人未落飛⋯⋯我仲獅子開大口答應咗佢哋，今次一定買到飛，我點算啦⋯⋯依家點算？」非常單純搞笑。 他緊張續稱 : 「今次係我第一次個人騷，我一直願望係開戶外演唱會，能夠喺 AXA x WONDERLAND 達成呢個願望，我已經好開心，我同時真心希望我屋企人，朋友，兄弟，仲有一班由細陪我長大的歌迷，我希望佢哋全部都可以在場，同我一齊見證呢個大日子，佢哋無論我高高低低都喺我身邊，對我嚟講，係好重要的人！」 問到 KAHO 既然主題係一個「循環」，咁會唔會都益歌迷，循環咁唱不停？KAHO 笑道，「我剩係知我要堅強少少，唔好咁早喊囉。次次都會比歌迷感動到想喊。今次希望忍到啦。循環咁唱一定會係尾場啦，我自己都唔捨得，公司比我唱到幾點就幾點㗎啦。」 為這次演唱會，KAHO 表示，上次 frenemy show 已經開始操，至今沒有停下來，不用開工的日子，都繼續勤力操練中，「唔係為騷唔騷肌，係真係覺得操咗之後，個人精神，體力都好咗好多，成個人挺直左咗，好鐘意自己這個狀態，所以會一路 keep 住。除唔除衫未知呀⋯⋯11 月都涼啦⋯⋯到時入場睇囉！開始籌備呢個騷，我先覺得，喺個舞台上面真係要識雜耍一樣，幸好自己細個咩都玩下，所以都可以預告一定會有新驚喜比大家囉。至於跳舞就當然係會苦練啦！一定會跳得好過上次！」 ．請勿誤信非官方售票渠道

---

* 因場館防疫規定，進入場館必須持有並出示「疫苗通行證」。 （一般成人若已接種第二針滿 6 個月，必須接種第三針方可進入場所，詳細安排請參閱：https://www.coronavirus.gov.hk/pdf/vp_t1_CHI.pdf ） * 入場館前必需利用「安心出行」手機應用程式掃描場所二維碼並向場館職員出示已掃瞄畫面。 * 閣下有發燒症狀、體溫高於 37.5 度或未有佩戴口罩，主辦方有權拒絕閣下進場，演唱會門票費用、購票手續費恕不退還。 * 現場嚴禁飲食，觀眾須在演出期間全程妥善戴上口罩，如有違反，主辦方有權請其離場。

---

Follow 埋 Timable 演唱會 FB 專頁： https://www.facebook.com/timable.hk.concerts