(照片來源：Pexels) 父親節冷知識： 父親節係一年入面特別感謝老竇而慶祝嘅節日，源於二十世紀初嘅美國。每個國家父親節嘅日期都有唔同，又有各種嘅慶祝方式，大部分都同贈送禮物、家族聚餐或活動有關。全球大部份國家同地區係喺6月嘅第三個星期日慶祝父親節，包括中國大陸、香港同埋澳門等地方。又有喺其他日子慶祝嘅，例如民國時期嘅中國同臺灣喺八月八號慶祝，所以又叫「八八節」。 同父親節對應嘅有母親節，係喺5月嘅第二個星期日。