Update 11/8/2022 Pomato 小薯茄 Facebook: 【加場】六周年 show 加場喇！六周年 show 加場喇！講兩次，因為加兩場呀 詢眾要求，經過我哋一番努力爭取，我哋成功加開到兩場，畀未買到飛嘅小薯茄可以參加我哋嘅 Party 分別係： 1. 九月十一日 3pm 2. 九月十二日 3pm 開售時間係八月十六日（星期二）嘅 10am 我哋已經盡咗力，喺場館有限嘅檔期，同埋考慮到演員們嘅體力同聲帶之下爭取到加開呢兩場，真係冇得再加㗎喇！希望到時會見到你！記得買飛喇！ It’s Party Time

---

Update 11/8/2022 MOOV Facebook: Pomato 小薯茄即將衝出螢幕，喺 9 月於麥花臣舉行《麥花臣節 x 小薯茄6周年》，同一班粉絲一齊度過6歲生日！咁值得紀念嘅日 子 MOOV 當然唔可以錯過，全新薯茄聽歌組合已經正式開賣啦～ 一個價錢就可以入手價值 $580 門票一張及 3 個月 MOOV 16 bit 音樂服務，俾大家可以喺 MOOV 聽熟小薯茄嘅主題曲《蕃茄薯仔湯》，到時一齊大合唱！ 想聽小薯茄分享呢 6 年來嘅點點滴滴的話，記得即刻上 MOOV SHOP 搶飛啦！

---

Pomato 小薯茄 6 周年，終於開 Show 喇！ 《麥花臣節 x 小薯茄 6 周年 - IT’S PARTY TIME!》 今次呢個 Show 以舞台劇為主，內容圍繞住小薯茄六周年生日嘅事。當中，成日諗住發達嘅最壞二人組（阿冰、童童）、新晉男團 FINALLY（人富、阿 J、朱 Mic、肥蚊），仲有全死角美少女歌手（麗英）都會出現喺舞台劇入面，真係點可以唔嚟睇呀？快啲買飛啦！ 話咁快就過咗六年，大家都一齊經歷咗大大小小嘅事，多謝你哋一直嘅支持！希望你哋今次可以嚟享受小薯茄六周年呢個生日 Party，繼續同我哋散播歡樂！ IT’S PARTY TIME！ 立即購票：https://bit.ly/3cXDPto

---

Update 31/7/2022: 「麥花臣節 x 小薯茄 6 周年 IT’S PARTY TIME」將改於 8/8 早上 10 時正式公開發售，敬請留意。 請大家繼續為 dancer 們打氣，亦都要關心身邊嘅人同自己嘅情緒，願一切平安

---

有關 ​Pomato 小薯茄 Pomato 小薯茄是香港 YouTube 頻道，2016 年開始運作，當中主力幕前演出的程人富、阿冰、童童、阿 J、麗英最為人熟悉，新加入的成員有朱 Mic 及肥蚊。現時訂閱人數已經超過 47 萬。 小薯茄創立初期以 2 分鐘搞笑短片的短片類型以遊戲、短劇為主，後期加入遊戲元素，並創出不同兒時遊戲的改良版，推出「薯茄 Party Game」。另外，小薯茄亦將不少香港人的日常拍成小短片，引起觀眾共鳴，其中「【用 ZOOM 的日常】咩都可以發生！」更成功擠進香港 YouTube 十大熱門影片第五位，可見頻道十分受香港觀眾歡迎，而其他類型的影片例如「雪櫃冷笑話」、「冰戲富」、「庖丁解童」等等都可見到頻道的多種可能性。

---

* 除獲豁免人士外，入場人士須在進入場館前利用手機掃描「安心出行」二維碼；獲豁免人士（12歲以下和 65 歲或以上人士，以及使用「安心出行」有困難的殘疾人士）則須填寫指明表格提供個人資料（姓名、聯絡電話、進人處所的日期及時間），才獲准進入場館。 * 由 2022 年 2 月 24 日起，「疫苗通行證」的法定適用範圍涵蓋表演場地，入場人士須符合「疫苗通行證」指示下適用於公眾娛樂場所的規定。所有進入表演場地之人士，均必須隨身攜帶電子或紙本的疫苗接種紀錄或「新冠疫苗接種醫學豁免證明書」，並按場館職員要求出示相關文件以供掃描。有關「疫苗通行證」最新資訊及接種要求，詳情請參考「疫苗通行證」專題網頁：http://www.vaccinepass.gov.hk