上個月嘅嘉年華，小編同大家玩得好開心，同大家實體面對面，一齊玩同學習環保知識嘅感覺真係好呀！咁開心就唔好比佢停啦，今個月份「綠在屯門」繼續有實體嘉年華，又可以同大家見面，好期待呀。 大家知道嗎？ 全球面臨暖化嘅問題，導致極端天氣頻頻出現，多個國家因為高溫天氣持續出現嚴重山火，危及到森林同埋野生動物，甚至摧毀佢哋嘅家園。 所以，今次嘉年華會以「森林保育」同埋「動物」作為主題，鼓勵大家維護生態平衡之餘，唔好忘記愛護動物，減少對環境嘅污染，保護大自然生物嘅棲息地。 活動當日大家可以親身嚟到「綠在屯門」同我哋玩遊戲同製作環保小手工，仲有特色展覽可以齊齊學習保育森林嘅方法，最後點少得免費二手市集，分分鐘搵到你嘅心頭好呀。 一如以住，今次嘉年華都會有「尋牛記」活動，只要搵齊場內3隻小牛嘅圖片，就可以得到神秘小禮物一份 係咪聽落都覺得好吸引呢？節目咁豐富，快啲撳下面連結預約報名參加！期待當日見到大家啊！ 預約連結：https://bit.ly/3Beqze8（為方便預算及控制人流，需預先填寫預約表格） 想知更多詳情入我哋 FB 睇下啦 : https://www.facebook.com/YOTTMCGS/photos/a.2270037366553072/3421866924703438/ 注意事項： 1. 參加者需配戴口罩，接受體溫量度及消毒雙手。 2. 如有發燒或身體不適，請避免前往「綠在屯門」。 3. 活動期間需保持社交距離，或需按職員指示排隊輪候。 4. 參加者需使用「安心出行」流動應用程式掃描「安心出行」二維碼（獲豁免人士除外）及必須符合「疫苗通行證」要求。除 12 歲以下人士，所有參與活動人士必須透過活動場所提供的「驗證二維碼掃瞄器」流動應用程式掃描 其疫苗接種紀錄、新冠疫苗接種醫學豁免證明書或康復紀錄二維碼 。 5. 環保工作坊材料由「綠在屯門」提供，活動採用即場報名方式（先到先得，額滿即止）。