Update 7/9/2022: 由於疫情嚴峻，場地未能夠續領牌照，TryMart 嘗・市集好遺憾地要同大家宣佈： 24-25/9/2022 嘅 TryMart x Plump Planet x 小黑糖 Baroness 呈獻：「多肉星人書院開學禮」將會延遲至萬聖節舉行 詳情會再喺日後公佈

---

話咁快就嚟到暑假嘅尾聲～～大家梗係要趁開學之前嚟我哋嘅市集行下啦！ 就等「多肉星人書院開學禮」陪大家執返個書包，同大家一齊開學啦！ 今次市集好榮幸可以同到本地插畫家 Plump Planet @plump.planet 合作～ 今次市集嘅設計全部都係由佢哋負責㗎！Plump Planet 嘅世界以植物星人－仙人掌同苔玉為主、肉球星人－貓同熊為副～全部都好可愛㗎！ 如果大家想同咁可愛嘅植物星人影相，就要過嚟市集嘅打卡位打卡啦～～影完相仲可以換返個文具福袋㖭㗎！ 過到嚟仲可以參加「開心夾一番之開學禮期間限定」活動，睇下可唔可以帶走由 Plump Planet 同 TryMart 合作設計嘅特定產品啦～ 另外，TryMart 仲會同一間本地手搖飲品店「小黑糖」@hkbaroness 合作，包保大家「飲過返尋味」 今次嘅市集仲預備咗好多優惠俾大家，大家一定要過嚟啦！