玖月玖日 識你佳 × OC2S 非常突然中秋節目 「歌月徘徊」，摘自唐代公務員李白嘅組詩《月下獨酌四首．其一》，即是明月隨歌聲來回移動咁解。 由中國古代文學到千禧法蘭西出產嘅《Moon Safari》，人月自古兩相印；中秋係月球最接近地球嘅一日呢個說法，雖然喺科學上不成立，但話中秋係人心最接近月亮嘅一晚，或者講得過去。 玖月玖日，捌月拾肆，喺 @lucid_express + @codehk_ + @jvsymusic 嘅重重氛圍籠罩下，嚟九龍灣過一場迷迷地嘅佳節。 歌月徘徊，舞影零亂；醒時交歡，醉後分散。 中秋前夕，月下一聚。 演出單位 Lucid Express @lucid_express CODE @codehk_ JVSY @jvsymusic 晚上 7:00 開始入場，8:00 開始演出 * 因場館防疫規定，進入場館必須持有並出示「疫苗通行證」。 （一般成人若已接種第二針滿 6 個月，必須接種第三針方可進入場所，詳細安排請參閱：https://www.coronavirus.gov.hk/pdf/vp_t1_CHI.pdf ） * 入場館前必需利用「安心出行」手機應用程式掃描場所二維碼並向場館職員出示已掃瞄畫面。 * 閣下有發燒症狀、體溫高於 37.5 度或未有佩戴口罩，主辦方有權拒絕閣下進場，演唱會門票費用、購票手續費恕不退還。 * 現場嚴禁飲食，觀眾須在演出期間全程妥善戴上口罩，如有違反，主辦方有權請其離場。

---

製作單位： 識你佳 Zenegeist @zenegeist OC2S @oc2s_music Poster by 果占 @識你佳