Update 28/10/2022: 楊學德 繪畫展 「今天不唱情歌」，展期延長至 11 月 6 日

---

「火爆的艷陽 戀愛的劇埸 一切都非常 熾熱與漫長 令人歸向極原始印象 再不要塗面霜 共舞夏日長 噢阿伊嘢 噢阿伊嘢 噢阿伊嘢呵呵⋯」 唔係愛歌，都可以勾起番啲回憶畫面⋯⋯好似係一九九四年夏天某個通頂夜，差啲要瞓著就聽到呢啲「噢阿伊嘢呵呵」，即刻醒晒。出嚟打工冇耐，人工好歪，俾咗家用後就冇乜錢使，月尾要捱老麥，但係都無憂無慮，成班年青人冇乜機心，嘻嘻哈哈 X 來 X 去又一日。冇諗過將來想點，典型港豬，掛住玩掛住食，無無聊聊咁虛度晒啲青春，生活係開心嘅，不過都回不去了。 好多年之後楊學德以畫畫為業，儲起好多回憶畫面做精神食糧，應該唔會餓死住⋯⋯ 展覽展示阿德最新 二十五幅 全新紙本作品