Update 14/11/2022 Hidden Agenda: This Town Needs Facebook: 【HYBS AFTER PARTY活動取消公告】 由於場地的不可抗力因素，原訂於2022年12月2日 23:00 舉行的《HYBS Making Steak Live In Hong Kong – After Party》將會取消。 當日演唱會則會如常舉行。 After Party 門票退款手續將會於短期內進行，如有任何問題請直接與我們聯絡。 對於倉猝取消造成各位樂迷的不便，我們深感抱歉，亦感謝各位對是次活動的支持。

---

Update 13/11/2022: 【HYBS Live in Hong Kong 搞 After Party？！你仲諗住返屋企？】 係呀，你冇睇錯！事關 HYBS 二人發現原來香港有咁多熱情樂迷鍾意佢地嘅音樂，門票開買幾分鐘就迅速售出。難得一場嚟到，又點會想唱完一場就走呀。所以 HYBS 決定加開 Show 後 After Party，同大家食下嘢飲返杯傾下偈。 日期：2022年12月2日（星期五） 時間：23:00 - 01:00 地點：好願璟美食坊（前身為金利來小廚） 票價：$600（包括價值 $200的食物及飲品） 網上購票：http://neon-lit.com/hybs-making-steak-pty 門票開售日期：14/11/2022 10:00am 門票購買條件：沒有，參加者不需為 Live Show 門票持有者 注意事項： 1. After Party 為私人活動。 2. 成功購買 After Party 門票的參加者，需要於演出當日 2022 年 12 月 2 日 23:00 前，於 Music Zone@E-Max 會場門口服務處位置出示 QR Code，換取 After Party VIP Pass，方可入場。 3. 所有食物價錢及飲品為餐廳正常對外銷售之價錢並沒有因為活動額外收費。

---

Update 9/11/2022: 實體飛喺 WHITE NOISE RECORDS 同 ENSO 嘅部份經已完售！ 稍後 INFREE RECORDS 將會售賣餘下嘅三十張門票，按店家要求，每位客人將會限買兩張。 此外由於受場地規矩以及疫情限制所限，今次演出將不設現場門票發售

---

【突發宣佈：HYBS Making Steak Live In Hong Kong 】 近幾年户外活動限制多多，無論係同屋企人一齊定同朋友一齊，留係室內煲劇已經係家常便飯，當中不乏泰國愛情劇中暖男壓牆壁咚嘅畫面，相信不少人都睇到眼熟能詳，話晒 This Town Needs 都休息咗好耐，趁著各地樂隊蠢蠢欲動重新遊走世界演出嘅時候，This Town Needs 返來啦，第一場為大家獻上嘅係來自泰國嘅 HYBS！ 兩位主要成員包括主音 Alyn Wee 及結他手 Karn Kasidej，佢哋曾經係年青時嘅好朋友，失散咗八年嘅兩位因為劇集選角重遇後開始交流大家數年來製作音樂嘅熱情，直到 Covid 事件發生，Alyn 及 Karn 逼不得已各自隔離，同時做就到兩位更專注製作音樂，HYBS 就係咁樣誕生，佢地炮製嘅音樂復古愜意，希望為大家帶來一晚輕鬆曼谷夜，今次完全係泰國直送嘅專輯公佈派對香港站。 既然 HYBS 咁俾面，作為香港主辦嘅 This Town Needs 都特別邀請出 Bedroom Pop 界眉清目秀擔當 Room307 及開朗型憂鬱 Rapper Triple G 擔任在地嘉賓，呢個世代嘅愛最緊要愛得合時，更多演出即將喺 2023 奉上，現場見。 Door Open：19:00 | Start：20:00 實體門票 Ticket Store (9/11/2022 起發售， 每人一次限購最多四張門票)： Enso (營業時間：12PM~11PM)｜尖沙咀漆咸圍 1 - 3 號地下 Infree Records (營業時間：4PM~10PM)｜旺角道 26 - 28 號 (通菜街 139A) 2 樓 B 室 White Noise Records (營業時間：12PM~8PM)｜九龍深水埗大南街 199 號地下