Update 15/01/2023: 由Redholic Music Production 主辦，SoulJase 首個大型個人演唱會《花見之酩》將於2023年1月18日（星期三）早上11點，於KKTIX正式公開發售！ 2月24日，就讓我們一起以音軌作山手線，穿過滿佈粉色氣泡的櫻花林蔭大道，共赴花見之約，共酌時令美酒，迎接再度相思醉極的循環。

---

From SoulJase IG： 係有問下年演唱會場地嘅期，但係都無諗過咁快就搞，我都唔係嗰啲要生日前搞騷嘅gimmick人，只係咁啱2月24號呢個日子有人放，我咪唔諗咁多，執囉。 今年行獨立，遇到合適嘅音樂合作夥伴 @redholicmusicpro ，令我對音樂呢件事有返衝動。回想返出第一張專輯嗰時都話過會開show，依家睇返就覺得好似真係太早。雖說好多事情，都唔需要等到所謂嘅合適時機先可以做，但而家呢一刻？都落咗訂啦，又再次一時衝動。 但講真，騷前會做多幾隻歌，包括今次演唱會嘅點題作《花見之酩》。多幾首歌係手，有啲揸拿，順勢已經砌埋個歌單，有個完整故事可以講俾大家聽，個人舒服咗，之前嘅不安感都已經去除咗八八九九。 都要講啲賣點俾大家聽，今次演唱會主題係會以愛情故事嘅形式加插大量東瀛嘅元素，即係點？First Love啊得未？ 2023年2月24號，麥花臣場館，Redholic Music Production presents,《花見之酩演唱會》，過嚟飲返杯，微醺或糜爛，只管沉醉。 ．請勿誤信非官方售票渠道 (座位表)

---

Follow 埋 Timable 演唱會 FB 專頁： https://www.facebook.com/timable.hk.concerts

---