好快就到新嘅一年，每個人都想辦年貨買年花，行個好運過新年。 但今年傳統花市又係只得花檔，又冇賀年乾貨，所以今年全新裝修嘅好運中心將會喺一月份舉辦戶內加戶外一個有超過三十個攤位嘅賀年年宵花市市集 ，俾市民喺新年嚟好運中心行個好運之餘，仲可以行埋年宵花市辦年貨。 今次年宵花市，不單止喺商場室內 3/F 大堂有展銷活動，更會喺商場戶外平台 (連接其它屋苑主要通道位) 舉行年宵花市及市集，有大型年花及賀年盤栽，亦會有傳統賀年飾品食品，仲會加插埋賀年市集元素，會有更多本地手工手作及禮品。 大家一定唔可以錯過新春福運賀年市集呀，行個好運過兔年！