港產片中埋藏着的是香港獨有的人文風情和景色的寶藏，跟隨着《線影》中每一幀手繪電影場景，你將發掘到香港人的回憶結晶。讓我們一同探索孕育經典港產片的地方和香港今昔的變遷。 香港電影一直都陪著香港人成長，電影當中嘅情節亦都紀錄咗唔同年代嘅香港文化。今次嘅展覽《線影》展出咗教大三位文化與創意藝術學系嘅學生兼電影愛好者，以喺油尖旺取景嘅電影作為主題嘅藝術作品。佢哋透過繪畫嘅方式重新呈現出我哋好熟悉嘅經典電影場面，希望可以展現出當年今日嘅對比，亦都希望喚起大家嘅集體回憶。而當中取材嘅經典電影作品，包括：關於記憶、遺忘同尋找嘅《半支煙》、燃燒你我青春嘅《柔道龍虎榜》，同埋關於愛與責任嘅《忘不了》。仲有幾套唔劇透啦，等你哋自己嚟發掘啦～唔知咁多套港產片入面，又有無一套喺你回憶入面呢？