“the missing something... Chapter 4” 這是一個音樂會，一個裝置藝術展。 這幾年間，王菀之創作「消失的一格」藝術項目，建構對話平台，探討生活中被忽略的小節，有其存在意義，讓觀眾從新思考應珍惜的人與事。 從「粉紅房間」體驗展，和「會唱歌的畫布」裝置展，來到這個「粉紅畫布展覽音樂會」。觀眾將透過沉浸式視覺和音樂裝置，細味藝術作品的同時，可近距離欣賞王菀之的音樂演出。 Ivana 表示，今次是第一次嘗試這種形式音樂會，亦是她一直堅持的音樂藝術夢想，「之前做過兩次音樂結集藝行的展覽，今次係第三次的延續。其實今年係團隊希望我再開紅館演唱會，但係我依然想試創新，希望可以將夢想變大啲再變大啲，所以我揀咗做呢個新嘗試。成個音樂會，係不設劃位，而舞台設計上面，亦非常特別，大家入場將會體驗到一個立體式的四面台空間，配合影像、超立體 sound travel 音響裝置及燈光四方八面投射的演出。想透過視覺，影像同音樂，令大家對我嘅音樂，有另外一個更深入的體驗。」 問到 Ivana 不設劃位，即全部企位？「可以企可以坐係地下，甚至攞住杯嘢飲都得，係超近距離咁睇演出，我依家都幻想緊，近到咁我企喺台上唱，會係一種咩感受。應該入場的朋友，因為咁近關係，細心少少，連我衫上面畫嘅真跡，都可以清楚見到，哈哈。」 「希望今次可以用歌，等大家更感受到，我真係來自火星，尋找那該死的快樂，用音樂想同大家來一次小團圓⋯⋯歌單係有故事同配合主題o嘅，即係你聽完演出，再行出去感受展覽，你又再會有更深一次領悟。依家進行緊，希望到時每一位入場觀眾都會得到感動。」 - 粵語，不設字幕

---

今年除咗同香港管弦樂團合作，於大會堂舉行音樂會之外，Ivana 王菀之接住一星期後，會再開一個香港樂壇史無前例嘅音樂表演：「沉浸式藝術+流行音樂會」，Ivana 說 : 「我依家計劃開六場，可能過完年後開售，詳情到時再通知大家。場地係西九文化中心 THE BOX， 由於係一個史無前例嘅表演，所以大家唔好鬧我，門票係非常非常之少，六場都係得一千張飛左右。呢種超近距離式同自由空間、沉浸式藝術+流行音樂會，係實驗性質，每一位入場嘅觀眾都可以講係 VVIP。」 ．請勿誤信非官方售票渠道

---

Follow 埋 Timable 演唱會 FB 專頁： https://www.facebook.com/timable.hk.concerts