Update 13/3/2023: 嚟緊春日營嘅藍調營火音樂會，開放畀 6 - 12 歲以上嘅兒童免費參與（每張門票限帶一位 6 - 12 歲兒童，兒童需有家長陪同出席，此安排僅適用於營火音樂會），等佢哋聽多啲唔同類型音樂，感受不同氛圍，擴闊眼界都係一種獨特嘅體驗

---

「春眠不覺曉，處處聞啼鳥」 唔知大家最近行到街上時有無留意，周圍嘅花朵開始綻放，雀仔聲吱吱喳喳，無錯，係春天嘅氣息 近日蒲窩嘅雀聲餘音嫋嫋，環繞四周：繁花盛放 樹木飄揚，陽光和熙映射喺歷史痕跡嘅紅磚牆，十分寫意！好風景好時光，當然唔可以錯過，蒲窩青少年中心把握時機，即將舉辦第一個古蹟春日營，有得玩，有得食，晚上仲會有營火音樂會，誠邀大家結伴同行，共享歡樂！ 事不宜遲，率先介紹一吓春日營嘅搞作！ 第一彈：導賞、紥染及營燈 DIY (只限全日票人士) 喺三小時嘅手作時光，等自己放慢生活速度，沈浸喺寬闊嘅建築物，享受當下嘅專注。導賞員會為你介紹古蹟嘅歷史同演變，喺紅磚屋慢慢行，你會感受到蒲窩呢座古蹟嘅新舊融合，重新發現平時未必為意到，但值得細味的建築及工藝細節 喺 DIY 工作坊，可以整到紥染方巾同營燈，當中都係用天然嘅素材同技藝，製成品可以即日使用，立即享受動手作嘅的滿足感 紥染合作單位：澄明手作喺 2018 年成立，創辦人 Helen 一直致力推廣紮染文化，希望令更多人認識呢個技藝。 營燈 DIY 合作單位：仝匠 The Warehouse Maker Space 係蒲窩青少年中心所成立嘅動手造品牌，提供學制以外嘅另類自主學習經驗，凝聚志同道合、不分地域同身份嘅青年，以開放、共享、協作嘅方式策動動手造項目。 第二彈：野炊手工 Pizza (只限全日票人士) 野炊達人 David 會主理野外流動廚房 令你可以喺大自然中，食到手工Pizza 過程中，會感受到柴火嘅溫度，配合新鮮嘅食材，製作至啱你心水嘅手工薄餅 手工薄餅材料：麵團、意大利腸、蕃茄、甜椒、牛油果、雞蛋、芝士 (可自由配搭) 合作單位：野炊達人 David 為「得意野炊」及「集棄場」主理人，擅長野外柴火煮食同令棄木重生，經常將流動廚房搬到野外，製作出唔同嘅柴火美食。 第三彈：藍調營火音樂 (全日票和營火音樂門票) 藍調怨曲音樂人Ram Cheung Trio 會為藍調營火音樂夜揭開序幕，Tomii Chan 將同人稱「阿鬼」嘅黃仁逵 Jam 歌，為藍調營火音樂夜帶來一晚限定藍調企劃，以慘島藍調嘅製作團隊為寂靜嘅黑夜奏上醒耳樂章！ 合作單位： 藍調怨曲音樂 人Ram Cheung Trio Tomii Chan x 黃仁逵 【時間】 13:30｜場地開放 14:00- 22:00｜全日票，已包括導賞、紮染及營燈 DIY、 野炊手工 Pizza 及營火音樂會 20:00- 22:00｜僅限營火音樂會門票 【當日活動流程】 14:00 - 17:00｜導賞、紮染及營燈DIY 17:30 - 19:30｜野炊手工 Pizza 20:00 - 22:00｜藍調營火音樂 * Pop Up Cafe 及自費小食會喺活動期間營運，小食可先在購票時一同預訂，方便準備食材數量，有少量可現場購買，數量有限，售完即止