喺匆忙嘅都市生活中尋找片刻停頓，放空欣賞草地上各本地品牌特色小確幸，沉澱過後再奮力前進 哈拉比部落今次嚟到葵芳新都會廣場呈獻嘅「Eggs in Bloom」復活節活動。 所謂「活在球內盡是生命」，今次除咗有繽紛復活節蛋彩球裝飾綻放生命活力色彩，仲有近 50 個本地特色手作人氣品牌參與，以藝術設計引起大家對慢活品味嘅共鳴。 市集主題之一係精品咖啡，到時同場準備咗咖啡渣印章名信片工作坊，喺現場細味咖啡之餘，仲可以將咖啡香氣同感受寄予名信片之中。