Winter Bagels 終於搞 Show 啦！！ 今次個 Show 有幾個願望，想 Playful、Enjoyable、生活感十足，仲想有一大片草地包圍得嚟，有多棵大樹，望住太陽落山就 PERFECT 喇！ 點知真係搵到香港有個咁嘅地方，仲要喺大街隔離～（鄰近鐵路及巴士站） 所以 Winter Bagels 決定「的起心肝」打破一年一歌嘅 layback 節奏，寫幾首新歌記錄下，合輯成一隻精美 Cassette。呢隻 Cassette 係佢哋兩個人喺睡房／廁所／樓梯口 記錄創作嘅純粹，兩把人聲兩支結他合力完成，希望畀大家聽到淨係得返佢哋兩個私底下嘅聲音紀錄同相處。 呢個音樂會延伸 “FOLK YOU VERY MUCH” 嘅概念，將房間製作出嚟嘅 demos 搬去一個更大、更多人、户外嘅地方，聽完 cassette 嘅demo，再拎住 cassette 到場大集合睇 live，享受一個 FOLK 樂嘅黃昏！ 當日音樂會三時恭候大家入場，歡迎各位帶小朋友入場野餐同奔跑，希望大家可以自由自在享受有大樹，有黃昏，有草地，有 BAGELS 嘅 FOLK MUSIC。 開放野餐時間：3:00pm 音樂會時間：4:30pm 購票：https://docs.google.com/forms/d/e/1FAIpQLSdeNtbMvj_QE95UfZFiuE-cIhus2sTt1dLw9AEbOKKhVHVnXg/viewform * 呢隻 Cassette 同時會係 Show 嘅門券，請攜帶 Cassette 入場 - 會隨 cassette 附上一句不漏完整 wav file，唔使帶住 cassette 機都可以隨身聽 (所以填 form 最重要係留 email，send private link) - 凡 9/4 23:59 前購買 cassette 嘅朋友有機會抽中一部精美 cassette 機 (一共有 3 位幸運兒)