將傳奇巨星、霹靂舞、街舞融合一齊會擦出咩火花？ 大家即將可以體驗到。星光大道嚮應 4 月份揭幕嘅「香港流行文化節2023」，將會舉辦頭炮活動之一－「星光聲‧影夢」。 今年分別係一代巨星李小龍、陳百強、張國榮及梅艷芳離世 50、30 及 20 周年，為咗令本地年輕人及中外旅客都可以認識「香港傳奇」，展現香港獨特嘅流行文化同多元融合嘅魅力，「星光聲‧影夢」係一場以嶄新嘅編曲演繹嘅舞蹈巡遊，重塑四位傳奇巨星如何由平凡人蛻變為超級巨星的不平凡故事，舞動星光大道，向呢幾位已故巨星致敬。 今次嘅舞蹈巡遊中，星光大道邀得獨立音樂人 MC 仁 DJ 音樂製作團隊，重編四位巨星嘅經典樂曲，並由五位霹靂舞港隊代表 B-boy C Plus、B-boy SoSze、B-boy Four、B-boy SoulGreen、B-girl Ifree及新晉舞者 B-boy Shadow 以霹靂舞、街舞方式，喺星光大道引領一眾歌影迷會成員、市民同旅客參與是今次別開生面嘅巡遊。 巡遊隊伍將於 4 月 23 日下午 2 時，由星光大道李小龍銅像旁開始演出，並途經梅艷芳銅像，及四個以四位巨星為主題嘅區域，一直至金像獎女神銅像為終點。四個區域內亦同時舉辦四位傳奇巨星嘅展覽，展示佢哋嘅經典造型，闡述佢哋成名嘅故事。展覽為期兩星期，大家可以隨時去參觀，重溫四位嘅風采。 「星光聲‧影夢」活動歡迎公眾免費參與，星星十分期待當日同大家一齊回顧四位一代傳奇巨星嘅光輝啊！ 合辦：油尖旺民政事務處 協辦：「Bruce Lee Club 李小龍會」、「芳心薈」 、「That's Leslie • 榮の聯盟」及「dannychanfansclub為你喝采陳百強歌迷會」