每年農曆三 / 四月，青衣居民都會搭建大戲棚慶祝真君大帝寶誕及天后誕。今年係疫情爆發後，青衣戲棚首度回歸！ 同往年一樣，戲棚都會上演神功戲，亦預計會有各式各樣嘅傳統同新興小食攤檔。雖然未知規模如何，但有興趣嘅市民到時都可以去趁下熱鬧！ 5 月 1 至 5 日嘅真君誕期間，將會由鳴芝聲劇團 (蓋鳴暉、吳美英、陳鴻進、呂洪廣、陳嘉鳴、黎耀威) 為青衣街坊演出 6 場神功戲。 5 月 1 日 (星期一)｜六國大封相 / 春花笑六郎 5 月 2 日 (星期二)｜蝶影紅梨記 5 月 3 日 (星期三)｜牡丹亭驚夢 5 月 4 日 (星期四)｜三笑姻緣（日場）；紫釵記（夜場） 5 月 5 日 (星期五)｜梁祝 而 5 月 19 日至 23 日嘅天后誕，就會到鴻嘉寶粵戲團接棒演出！ 真君大帝寶誕：5 月 1 - 5 日 (農曆三月十二日至十六日) 天后誕：5 月 19 日 - 23 日 (農曆四月初一至初五) * 部分資料及圖片來源：香港八和會館網頁 / 蓋鳴暉資訊專頁 Joyce Koi Fanpage Facebook

---

交通 1) 青衣地鐵站轉 249M，於第一個站落車，行過對面馬路 2) 葵芳地鐵站附近，乘搭專線小巴 88，於對面馬路落，再行天橋