返嚟喇返嚟喇！因為疫情而停辦幾年嘅西貢天后誕大戲，今年終於開台啦！ 相信喺西貢長大嘅朋友都好掛住天后誕搭棚做大戲嘅情懷，今年將會有更多精彩活動，除咗有粵劇表演、乾貨攤檔，仲會有美食攤檔、親子攤位遊戲等⋯⋯而 The Kungers 亦會喺期間舉行天后誕展覽同市集，等大家玩得開心之餘都了解吓有關呢個民間傳統節慶喺西貢嘅歷史習俗。