以聲子構造狀態與空間，讓身軀浸泡於音海之間牽引。猶如聲子在固體物理學，原子在晶體間不斷的振動，又通過相互作用力而聯繫。來自台灣嘅 Post-rock 樂隊「聲子蟲」，就係持有著呢股氣魄，十年而破繭、蛻變。聲子蟲將佢哋所擁有嘅景象全力灌注於最新專輯《真面目》裡面。呢張專輯更加喺數日前公佈嘅第 34 屆金曲獎入圍於最佳樂團獎提名。同獲提名嘅樂隊有大象體操、宇宙人、Robot Swing 等人，究竟聲子蟲會唔會突圍而出，取得金曲奬？就喺金曲獎嘅前一日（６月３０日），聲子蟲將會嚟到香港表演，等我哋嚟到為聲子蟲集氣，同時一覽金曲獎入圍樂團的高水準表演！ 「爬山的過程有點像做專輯的感覺」 愛上爬山嘅柯明（結他），近年走遍台灣嘅幾十座山岳，同時間亦係樂隊中嘅主力創作成員。或許係山上嘅多變環境，賜予柯明各種創作上嘅靈感。喺《真面目》嘅編寫過程當中，金馬等級嘅電影配樂家盧律銘（結他）從柯明手上接來旋律，盧律銘腦海中亦隱約浮現出「高海拔的畫面」。作為聽眾，我認為值得推薦嘅係《真面目》裡面〈印象派〉及〈大地的繼承〉，能夠感受到自己置身於巍峨高聳，細看氣象幻變、白雲瀰漫的壯麗景觀。 今次嘅演出同場會有昆蟲白作為 crossover，重現「甜梅號」嘅經典作品。成為人父嘅昆蟲白，上年亦推出咗專輯《瞬間》，保留咗令人熟悉嘅tone，回首近年週遭嘅變化、戰爭、疫情。呢位曾經嘅搖滾少年，如今再次彈奏甜梅號嘅作品。會展露出不一樣嘅心境嗎？６月３０日，聲子蟲Ｘ昆蟲白，無論係老樂迷定係新樂迷，鐘意台灣後搖滾嘅你都不容錯過。 進場：19:00｜開場：20:00

---

Follow 埋 Timable 演唱會 FB 專頁： https://www.facebook.com/timable.hk.concerts