今個星期有嘢玩！九龍城地區康健站將於星期四至日（8-11/6），喺黃埔時尚坊舉行首個健康嘉年華，節目非常豐富，除咗免費健康風險評估外，今次仲特設攤位遊戲區同新興運動區呀！ 節目咁豐富，禮物又多籮籮，您唔係唔嚟啊～記得要帶埋親朋戚友一齊過嚟玩呀～ 免費健康風險評估 嘉年華現場會為各位新會員提供一對一「免費健康風險評估」即場登記成為新會員，仲有豐富嘅迎新禮物！ 攤位遊戲 嘉年華又點會少得有趣攤位遊戲呢一於寓學習於娛樂，邊玩攤位遊戲邊了解更多，例如戒煙、疫苗推廣等健康資訊～完成所有攤位遊戲仲可以獲得神秘禮物一份㖭！ 新興運動新體驗 近年多咗好多新奇、刺激又好玩嘅新興運動，嘉年華現場就設有試玩活動，包括旱地冰球、芬蘭木柱、地壺同三葉球，齊齊感受玩新興運動嘅樂趣！ 約定您，今個星期四至日，黃埔時尚坊「飛一般健康嘉年華」見～ *如反應熱烈，康健站同事或會於現場派籌，以避免市民長時間等候，實際安排會按現場情況而有所調動。如有任何疑問，可致電本康健站熱線 2338 3211查詢。

---

想了解自己嘅健康狀況，快啲登記成為會員啦，可以免費做健康評估，仲有豐富嘅禮物送㗎！ 【九龍城地區康健站主中心】 地址：九龍土瓜灣旭日街 9 號港圖灣地下 電話：2338 3211