宣「洋」環保嘉年華 「走塑．LESS膠！！！」 塑膠垃圾越嚟越嚴重，除咗大大增加 堆填區負擔之外，更有機會經唔同途徑影響到整個海洋生態環境。如果我哋再唔行動，最終受害嘅都喺自己。 為響應世界海洋日嘅主題，今個 6 月份我哋準備咗宣洋環保嘉年華，教大家點樣喺日常生活中實踐走塑 ，保護珍貴海洋資源，一齊睇下當日有咩活動啦。 除咗會有一向好受大家歡迎嘅攤位遊戲，免費二手市集同埋尋牛記之外，我哋亦準備咗唔同嘅環保工作坊畀大家，今次仲特意邀請到百好繪本士多同大家分享環保繪本同埋環保小手工，好玩之餘，又可以學習到愛護海洋嘅方法。另外，仲有無塑海洋展覽 ，當日會展出是日塑膠套餐 ，希望喚起大家對海洋嘅關注。 唔想食「膠」，就記得 LESS 膠，Mark低日子，我哋到時見啦～

---

注意事項： 1. 如有發燒或身體不適，請避免前往「綠在屯門」。 2. 活動期間需按職員指示排隊輪候。 3. 環保工作坊材料由「綠在屯門」提供，活動採用即場報名方式（先到先得，額滿即止）。 4. 免費二手物市集只會派發，不會進行收集活動。