尋尋覓覓，患得患失，MilMill 幾經艱辛終在香港覓得合適廠房重置。搬廠工程浩大，重置既耗心力也耗資源，感謝科技園公司延長 MilMill 三個月租期至9月30日，至於現時在元朗的廠房、教育中心，就開放予團體報名參觀，直至8月15日。我哋希望能做到新舊廠房的服務無縫銜接，對客戶及各合作方嘅影響減至最低；香港市民亦能選擇繼續已經習慣咗嘅回收飲品盒方法。 新廠房面積更大，我哋更加需要開源；除咗預計我哋之後幾個月會陸續推出或公佈嘅新回收服務以及 MilMill新產品外，我哋亦希望再繼續推進早前不少合作方（包括學校和機構）可能因爲我哋前景不明朗而慢咗落嚟嘅各種回收合作探討，為香港進一步減廢。希望大家能够繼續大力支持，使用MilMill以及SSID嘅產品及服務！ 我哋見到之前一啲意見，知道有部分客戶較難喺實體店揾到我哋嘅產品，雖然呢個問題涉及個别店舖嘅內部安排，喵坊較為被動，但我哋亦希望將你哋嘅意見反映俾合作商家以求能盡量改善目前銷售渠道情况，俾大家能夠更容易買到各樣MilMill產品。另一方面，如果大家有意協助我哋擴大銷售網絡的話，請電郵 [email protected] 或致電2498-2800（張先生）與我哋聯絡。