如果鹹濕係一種味道，究竟實情係乜味道？呢種味道又會勾引起點樣嘅感覺同記憶？ 今次大叔我硬撼Dirty鹹濕主題，撞正呢排metoo Youtoo wetoo 風頭火勢，冇得閃冇得縮，正正就係最啱時候重新討論鹹濕，定義鹹濕，活化鹹濕，保育鹹濕——不認不認還須認，話自己唔鹹濕嗰位阿姐阿哥請舉手。 歡迎各位街坊好友拖男帶女嚟現場沉浸式體驗鹹濕——幾乎唔記得敲鑼打鼓大聲講，呢個展覽嘅靈魂關鍵當然係全宇宙最抵死啜核巴閉架勢嘅香港粵語，當中相關日常飲食生活嘅粵語俚俗語，亦係我今年開始嘅飲食語言文化檔案計劃《Sik6 Zi6 Gei2 食自己》嘅精神支柱同力量來源。