位於M7嘅 Mighty Oaks Foundation 恩橡基金會 ，一直透過多元化活動連繫一班老友記 及同學仔 ，而最新搞作就喺ACE長幼學堂〈玩具耆兵〉，連結長幼跨代創意共融。 來自不同安老機構嘅長者 與同學仔，圍繞個主題共同創作玩具作品，包括： 《有趣的動作棋子》：用黏土創作代表自己嘅動物棋。 《我們的樂園 》：喺棋盤創造屬於長幼兩代嘅主題樂園並設計區域同設施！最後又點少得《我們的故事》？動物棋同樂園已經Get Ready, 有埋互動故事就更Perfect！ 而是次長幼共融活動作品，包括：動物棋子同棋盤，即日起嚟到M7展出啦！棋盤仲會喺G/F公共空間「巨大化」，不同年齡嘅街坊、公眾人士等都可以一齊「落場」體驗真人捉棋！