準備好Chill住嚟參加暑期音樂大匯演未 　 　 響應首屆青年節，大埔區青年發展及公民教育委員會聯同香港青年協會，將會為大家呈獻至Chill至文青嘅《大埔Chill音暑》音樂匯演?。 　 　 喺8月27日 (星期日) 當日，大埔東昌街體育館將成為一眾青年人盡顯才華嘅舞台，同場更有人氣歌手同樂隊擔任表演嘉賓，有Nowhere Boys、小肥、力臻、Gimag(龍小菌)，連同超過二十隊表演團隊，將氣氛推到最高最hot！ 　 　　 除咗可以欣賞到歌手、青年團體同地區學校嘅才藝表演外，現場仲有文青手作攤位工作坊^，鍾意整手作嘅你一定唔可以錯過。 　 　 門券將於2023年8月18日免費派發，先到先得，派完即止。 （派發地點: 大埔民政諮詢中心 大埔汀角路1號大埔政府合署地下)