為慶祝中華人民共和國成立74周年，保安局將會聯同各紀律部隊、輔助部隊及青少年團體喺嚟緊10月1日國慶日，於將軍澳消防及救護學院舉行「紀律部隊及青少年團體匯操暨嘉年華」！到時將會為大家帶嚟精彩嘅步操匯演同聯合演練示範，展現香港高水平嘅步操訓練成果，以及工作上應用嘅專業裝備同技術；而現場亦都設有唔同嘅攤位遊戲，仲可以畀大家親親工作犬或者見識到消防處專業嘅救援裝備等等……活動內容實在多到數唔晒！心思思好想去？ 嚟緊9月11至13日香港消防處手機app將會開放登記抽門票，大家到時記住mark定時間準時登記喇！ 匯操的節目內容包括: -升旗禮 -警察樂隊表演 -紀律部隊/輔助部隊工作車輛巡遊 -紀律部隊/輔助部隊聯合工作及救援演練 嘉年華的節目內容將包括: -保安局及各紀律部隊/輔助部隊展覽攤位 -紀律部隊工作犬展示 -滅火及救援示範 -救護訓練示範 -急流拯救示範 -高空拯救訓練示範 -室內煙火特性訓練示範 -危害物質事故訓練示範 -交通事故示範 -攤位遊戲