橘子海來自青島，深受 Brit-pop 黃金年代嘅音樂影響，攝取當中養份嘅同時，糅合樂隊專屬嘅自我意識同世界觀。樂隊嘅音樂同佢哋出身嘅城市青島，微妙地呼應 – 就好似呢個充滿異國情調嘅海邊城市，有海水嘅柔軟；有岩石嘅稜角；有春暖花開嘅溫情綿延；亦有寒冬冷冽嘅暗流湧動，就似潮汐漲退，用音樂牽引聽眾嘅情緒，跌宕起伏，張弛有道。大熱單曲如《夏日漱石》及《有暖氣》等等都廣受樂迷歡迎。