今年「多一點藝術節」仲會有展能藝術家Alice Leung梁慧雅會同佢爸爸John Leung梁榮贊合作喺藝術樹窿舉行嘅『油山玩水：Alice Leung X John Leung作品展』。展覽將展出一系列以大自然為主題嘅作品，其中Alice嘅作品嘗試以唔同創新手法、實驗形式去創作，以抽象方式去呈現自然山水，爸爸John則以寫實風格描繪風景。兩父女以唔同嘅演繹方式帶大家用眼睛遊歷山水，分享「油山玩水」嘅樂趣。 嚟到展覽除咗有畫睇，Alice仲安排咗個活動比大家，佢將會喺10月21日帶領參加者以紙膠帶裝飾明信片，歡迎大家到時一齊嚟用色彩繽紛嘅紙膠帶創作出獨一無二嘅「紙膠帶風景畫」！ 大家有興趣都可以去follow Alice嘅Instagram@aliceleungart！