大家想唔想喺休閑嘅周日下午，喺美食匯聚嘅筲箕灣東大街嘆個美味下午茶，之後再去筲箕灣海濱嘅東區文化廣場睇返一場輕鬆感人嘅懷舊音樂劇？如果想，就千祈唔好錯過「東區屋簷下」啦！ 呢個音樂劇，由東區民政處聯同傲楹藝術教育慈善基金聯合舉辦。節目將會帶你穿越時空，回到上世紀七十年代熟悉嘅筲箕灣，讓大家懷緬過去之餘，亦能展望將來。節目免費入場，無需門票，歡迎大小朋友到場觀看。