經歷完疫情、史上最熱嘅一年同破紀錄嘅暴雨，相信大家都意識到災難隨時可能喺我哋身邊發生要建立一個具韌性嘅城市，市民嘅備災意識同防災知識都好重要㗎！嚟緊12月，香港紅十字會 #社區備災服務 就會一連三日走入旺角社區，透過體驗活動同互動工作坊為大家帶嚟有趣實用嘅備災知識，幫大家裝備成為「備災達人」！活動仲特設「社區備災項目成果展覽」，展示過去我哋為大澳棚屋、薄扶林村同旺角劏房住戶進行嘅地區工作，同埋分享居民嘅故事，等大家一齊了解社區嘅備災需要 內容： - 社區備災項目成果展覽 - 備災教育展板 - 互動體驗活動 - 導賞團 - 竹扇編織工作坊 (名額有限，先到先得) 成功報名參與導賞團同工作坊可獲得證書，報名連結：http://bit.ly/3MzTHS2 費用全免，歡迎任何人士入場參與