由籌劃至今接近半年，在各樂隊在準備得如火如荼之際講一兩句： Desperate Infant Records成立至今超過三年，初忠就係好簡單地將新嘅音樂種類帶到來香港，即係我哋專注緊嘅Emo、Punk等等。由網店，實體店鋪，實體黑膠卡式帶發行等等方式，將外國嘅朋克DIY氣候慢慢地帶給各位。 唔洗講都知Emo Punk並不是什麼大眾音樂，全世界聽依類嘢嘅人每人俾一蚊你都唔會發達，但朋克當中嘅精神、人與人在現場之間的互動及交流係其他曲風永遠都不能代替的。 本次演出係一個由白日夢轉化而成的現實，一個零經驗的人，一係唔搞，一搞就搞六個樂隊嘅Show，務求將全香港、全中國及全亞洲最好的樂隊一次過呈現給香港樂迷，無各方支持幫助的話真係束手無策(所以非常感激)。 The End Is Beautiful Fest 2023算係DIR這三年成果的一個小總結，雖然並沒有星級陣容及華麗舞台，但有嘅係無分你我的一個傍晚，期待在現場見到大家！ 演出陣容: PIRI REIS (馬來西亞 - Emo violence/Screamo @pirireispunx ) BRICKCITY (菲律賓 - Post-HC/Emo/Spoken Word @brickcitynoise ) TNG (菲律賓 - Screamo/Post-HC/Post-Rock @tngxx ) BENNU IS A HERON (中國廣州 - Skramz/Screamo @wearebiah) KVYLE (香港 - Noise Punk @kvylehk) SNAILS (香港 - Hardcore Punk @snailsmurderfurther)