如果你鍾意挑戰自己體能又自問具備超強嘅判斷能力同方向感就一定唔可以錯過仁愛堂嚟緊嘅慈善定向活動喇！我哋會喺2024年2月3日（星期六）再次聯同香港野外定向會，喺香港仔郊野公園舉行「仁愛堂野外定向慈善賽」參賽隊伍需要利用大會提供嘅地圖，喺限定時間內，鬥快搵出香港仔郊野公園各個預設嘅Checkpoint「打卡」攞分今次比賽將會設有競賽組同親子組，適合一眾定向愛好者同一家大小一齊參加，大家除咗可以體驗刺激嘅定向競賽，仲可以享受天倫之樂！勝出隊伍可以獲得豐富獎品，而所有完成賽事嘅參加者都可以獲得參賽證書、獎牌同禮品㗎！ 今次定向慈善賽為「仁愛堂蔡黃玲玲教育基金」籌款，支援低收入家庭學生學業同課外活動嘅發展，誠意邀請各位善長踴躍參與咁有意義嘅活動，一齊寓行善於運動！