各位人品好嘅土瓜灣街坊們 「顯你牌品 考你章法」嘅時機到喇 係來緊農曆新年前後 我地將會推出「第一屆土瓜灣麻雀王大賽」 今次大賽冇獎金冇獎品冇東京來回機票 贏家只會獲得「土瓜灣麻雀王」美譽 打香港牌aka大家口中成日講嘅廣東牌 固之然唔打錢，齋計分，三番起糊玩造牌，鼓勵有大志 【土瓜灣上路vs下路】 仲有一樣特別啲嘅會係今次比賽出現 就係將「土瓜灣上路」同「土瓜灣下路」兩條隊進行比賽 邊度係上路邊度係下路，一路都眾說紛紜 今次大家可以根據自己嘅「身份認同」報名 邊度為之上路／下路冇指定答案～就係想引起大家討論 總之你覺得自己係「上路街坊」／「下路街坊」就得啦 （來緊想搞一系列土瓜灣上路vs下路各類型比賽～今次試水溫～睇吓大家有冇興致玩喇）

---

初賽64強 日期：2月4日（日）（年廿五） 時間：12－8pm 地點：麻雀客棧 同時打「上路隊」及「下路隊」兩枱 初賽打一圈，每枱有兩位出線者，直接進入2月18日「32強」比賽 當日只需要參與上述時間嘅其中一小時～唔洗留曬全日係度～ 決賽日 日期：2月18日（日）（初九） 時間：12－10pm 地點：麻雀客棧 同時打「上路隊」及「下路隊」兩枱 先打「32強」比賽，打一圈，每枱一位出線者，進入稍後時間「8強」準決賽 緊接「8強」準決賽，打兩圈，每枱兩位出線者，進入最後「4強」決賽 「8強」準決賽中，將會誕生「土瓜灣上路麻雀王」及「土瓜灣下路廣雀王」各一名，請大家積極勇奪殊榮 「4強」決賽，打四圈，勝出者將獲得「第一屆土瓜灣麻雀王」稱號 當日睇你幾好揪，覺得自己好揪得就記得留曬全日嘅時間～